龍殿兒感激尼泊爾相展賑災
Kee Club太子女龍殿兒（Mara）近兩年突然「消失」Ball場，原來活躍開朗的她因母親一場大病，難以承受而患上抑鬱症，及後離開香港，到歐洲及尼泊爾養病。她曾在尼泊爾拍下不少紀錄片及照片，早前尼泊爾大地震即喚醒她在當地的美好回憶，隨即計劃舉行攝影展及拍賣籌款，幫助當地居民。
香港高級私人會所Kee Club太子女龍殿兒（Mara）曾活躍Ball場，憑着甜美標青樣貌，深受歡迎。但近兩年卻突然「消失」芳蹤，據知她患上抑鬱症，其後遠赴歐洲及尼泊爾低調接受治療。已康復的她，現積極為尼泊爾大地震舉行慈善籌款，將於本周四舉行慈善酒會。
舉行慈善拍賣
Mara對尼泊爾情有獨鍾，在尼泊爾養病期間，曾夥拍一位導演在當地拍攝紀錄片及照片，但可惜病況未好轉，該輯照片一直未有曝光。而早前的尼泊爾大地震，她即希望可以為當地出一分力，隨即聯絡導演，商討舉行慈善相展及拍賣籌款。Mara表示：「我喺當地生活過一段時間，好開心，情緒亦變得好好。離開咗後情緒又跌落深淵，之後去咗歐洲，心情又平復不少。今次見到地震咁嚴重，真係希望可以為佢哋出一分力。」
開設自家品牌
Mara對曾患抑鬱病毫不避忌，更大方分享：「當時因媽咪病咗，我原本喺歐洲，即刻返港照顧。見到媽咪好辛苦，當時壓力好大。加上面對自己嘅將來，又諗唔到該做咩工作，無咗方向，覺得好迷失，心情變得好差，之後就患上呢個病。個病擾攘咗兩年，後來靠治療同正面面對諗通咗，加上搵到對時裝嘅興趣，有動力去實行，我還會成立自家時裝品牌。」
文：名人組