祈禱摑馬明香香怕飛Bra走奶

岑麗香、黃翠如、馬國明等昨日為劇集《為食神探》開工,原定拍攝香香穿背心跑步色誘楊明,惟最終因大霧關係取消,香香笑指為該場戲準備充足,晨早五時起床戴上兩個Bra,試盡拍攝時可能發生的意外情況,在旁的翠如即取笑香香謂:「為咗收視唔着都得啦!」香香聞言反應甚大謂:「唔得,劇本唔係咁寫o架!」

談到馬國明曾打主意欲向監製要求加插與香香咀戲,沒料還未成功已率先被對方加插掌摑戲份,香香笑謂:「我用錢囉!拍嗰時有買蛋撻、叉燒酥畀身邊人,希望多啲NG。(馬國明讚你打佢唔痛?)我都心痛,因為唔識打人,拍之前都要祈禱。」

母愛氾濫

拍攝期間眾人見途人推住孖仔經過,兩女即母愛氾濫上前逗玩,問有否生仔衝動?香香謂:「咁要搵到個人同我生先得!」翠如則表示要生到可愛的BB再作打算:「屋企養隻狗已經好難湊,最近跛腳令我好傷心。」

至於好友洪永城「女友」唐詩詠日前生日,問到可有傳授追女招數?翠如笑謂:「佢教我差唔多。」

文:影視組