馬嘉韻接力 坐三望七

藝人張建聲為了宣傳新片《壹獄壹世界》，經歷了72小時（三日）的「流動水飯房」體驗坐監生活，昨日他終於刑滿「出獄」，獲老闆蕭定一、藝人唐貝詩、趙永洪、張松枝等人「接監」，並安排他跨火盆及以碌柚葉抹身。

搵個位解性慾

建聲談及踎監感受時指第二日最為辛苦，被市民圍觀令他感到很大壓力兼面臨崩潰，曾出現幻覺和幻聽，從未試過如此創傷，現希望休息兩日才考慮是否需要看醫生，他說：「出冊時朋友都話我眼神呆滯，我估瘦咗五磅。」趙永洪抵死地問他坐牢期間如何解決性慾？建聲笑言：「鏡頭後搵到個位解決囉！」事後他澄清：「係搵到個位冥想打坐解決啫，講真仲邊有力。依家最想去沖個熱水涼。」

馬嘉韻接張建聲棒入冊。

張建聲「出冊」，除了檻火盆，好友更以碌柚葉為他去霉氣。

最驚被影瞓樣

而年僅19歲、曾任《東網Baby》的o靚模馬嘉韻（Mars），成功脫穎而出獲選接棒入冊，昨日化了淡妝、一身囚犯look的Mars登上「流動水飯房」，還笑言：「依家想縮沙都唔得。今次係為咗體驗而參加，希望坐到七日，否則三日都好。（最擔心係咩？）瞓覺時畀途人影相、沖涼地方唔乾淨。自己亦擔心被困太耐會崩潰，但會睇書打發時間。」她慶幸這幾天不是女性生理期日子。

檻火盆	蕭定一為Mars打氣。

到場打氣的唐貝詩得知Mars希望捱到七日攞兩萬元交租，她說：「佢得19歲喺街度畀人望又畀閉路電視拍住，希望佢體驗生活之餘，可以提升知名度有更多工作。」至於蕭定一則大讚張建聲專業，來日電影票房大賣他功不可沒，阿一說：「加人工同發獎金囉。依家考慮喺九龍區一個商場加建監獄，令更多人可以參加！」

文：影視組