李亞男驚見祖藍冇毛
無綫藝人李亞男的老公王祖藍因為要演繹「哪吒」一角，故要把腋下毛剃得乾乾淨淨，不過亞男卻對此很抗拒，更大呼：「男仔唔可以冇毛！」此外，經常隨祖藍中港兩邊走的她坦言為免大住肚周圍撲，打算遲幾年才生B。
李亞男、張名雅、鄧佩儀等昨日出席無綫明珠台宣傳活動，期間，大家以遊戲方式介紹明珠台新劇，穿着露背裝迎夏日的張名雅被抽中扮犯人，更要鎖上手銬，而其他人就要夾住波搵鎖匙，場面搞笑。
腋下光脫脫尖叫
最近王祖藍於橫店拍攝劇集《哪吒》而經常中港兩邊走，李亞男坦言有看到老公於微博上載了一張腋下光脫脫的相，因祖藍指劇中飾演哪吒一角，造型需要，不過亞男昨日笑謂：「我見到佢時尖叫咗出嚟，男仔唔可以冇毛！」說到祖藍以前經常要扮女人，那時有冇剃過？亞男指當時與他不熟，故未見過，但現在就真的接受不到，她又謂：「不過佢都係為藝術犧牲，驚佢遲啲生番少少出嚟時會拮親，都會share啲經驗畀佢。」
張名雅愛睇喜劇
另外，提到周家蔚已生了第二胎，亞男坦言戥對方開心，問幾時輪到她？她說：「冇咁快但又唔會太耐，等多幾年先，祖藍依家好忙，成日中港兩邊走，唔想到時要大住肚飛嚟飛去探班。過多兩年等佢穩定啲先啦！」亞男又透露在新劇《潮流教主》中與視帝陳豪合作，可惜只得兩場對手戲，笑言不夠喉。
此外，張名雅表示平時愛看外國喜劇，自言笑點低，有喜劇細胞，好高興在劇集《以和為貴》中能給觀眾看到另一面。有指徐子珊與江美儀拍《以》劇時鬧不和？她表示有跟二人同場對戲，但沒感覺兩人不和。
文：影視組