祖兒時光倒流Bra辣獅吼

容祖兒日前推出的新專輯《Me,re-do》大獲好評，唱片公司昨午特別舉行「NOON D Party」活動，由於唱片封套以80年代造型拍攝，祖兒昨以復古造型現身，獲徐濠縈、鍾欣潼、胡定欣、梁漢文太太及蔡一智太太等撐場，梳了誇張髮型露黑Bra的祖兒說：「個髮型麥當娜當年都梳過，作為主角唔能夠輸，所以梳個獅子頭。（咩名堂？）『獅吼功』啦。」

拍真人騷呻苦

祖兒坦言花了一小時整頭：「整唔係問題，擔心洗咋。（除西裝褸有睇頭？）唔使啦，唔係賣弄性感，原本扣埋粒鈕，今日係誇張、大膽同破格，都驚出街畀人打。」問男友劉浩龍有否睇過其造型？祖兒說：「冇。（一陣影畀佢睇？）唔使啦，佢睇報紙見到。」

鼓佬Kelvin（左起）、胡蓓蔚、單立文與胡定欣擺搞鬼甫士。	梁漢文太太林文慧（左）與徐濠縈都是潮流指標。	剛開完騷的吳國敬拖女友撐場。

近日參與內地真人騷的祖兒大呻辛苦：「成日發夢畀人影緊，24小時拍住有壓力同緊張，房內有四部機影住，一熄機我就用布遮住瞓覺。」談到祖兒的七人車於2012年被高空磚頭擊毁天窗，其母聯同當年的司機入稟法院向業主索償，案件開庭時有人覺得遭勒索，對此祖兒說：「我哋只係索償架車嘅維修費、搭的士同Book車費，加埋五萬幾，係好合理索償。」

阿嬌「假性感」

另外，昨日穿大Deep V裝的阿嬌以肉色內衣打底，玩真空錯覺效果，她解釋：「入面件衫係連埋墊膊。（好失色？）你哋見到都嘩一聲啦，好過冇。」

採訪：音樂組