影帝張家輝、張學友與韓國型男池珍熙等前晚出席電影《赤道》首映，談到池珍熙拍攝時暈倒送院，家輝說：「佢喺我面前暈咗，撼咗落我對鞋度托住，如果佢撼落地爆硬，好大件事！」
池珍熙解釋當時在韓國也有工作，故港、韓兩地走頗辛苦，可有覺得在港拍戲辛苦？他否認道：「No！我覺得好輕鬆，喺韓國要拍劇仲辛苦。」學友則笑言該片按年齡排打鬥戲，故比張震、余文樂等打得少。
