王宗堯搵香艷租客約DaDa再戰

現年36歲的王宗堯入行多年，近年簽約蕭定一後人氣急升片約不斷，因拍劇樹立深情暖男形象更成為廣告新寵，近半年已拍下五個廣告，榮升「網絡男神」！

做導演拍攞獎戲

昨日Greg與老闆蕭定一在中環摩天輪下進行簽約儀式，宣布續約中國3D數碼娛樂五年，是首次有記者會在摩天輪下舉行，非常威水！身穿禮服的Greg與蕭定一乘坐名車到場，並一同行紅地氈，獲藝人張松枝及姜文杰等到場支持。期間Greg多謝老闆為他完成十年夢想，助他成立屬於自己的製作公司，蕭定一則送上導演櫈預祝他完成導演夢！

陳靜	王宗堯（中）昨日在中環摩天輪下續約中國3D數碼娛樂五年，獲一眾好友撐場。	蕭定一（右二）出動辣跑載男神，足證重視王宗堯！

蕭定一透露提早五個月與Greg續約，大讚他是港產男神，前途無限：「佢係個好有心嘅演員，雖然我哋合作時間只係兩年，但好開心佢有呢個成績！希望佢可以做好演員同幕後工作，跳出香港，進軍內地！」Greg透露獲加人工兩、三倍，非常開心，講到自組製作公司，他預計每年會投資七位數：「會將所有賺嘅錢都放晒落去，同蕭生喺適當時候會有合作，希望出年開戲，想拍攞獎戲，得到同行認同。（再翻拍網絡小說？）我係網絡男神，當然會繼續合作。」

大讚舊愛夠專業

據知，有意執導演筒的Greg年底便可夢想成真，首部自導自演作品是改編自向西村上春樹的網絡小說《西謊極落》，原著其中一章講述已婚男主角遭火辣女租客色誘，發生連串峰迴路轉的劇情，早有大批網上捧場客，據知Greg有意邀請身材豐滿的舊愛陳靜（DaDa）飾演租客，兩人隨時有超激香艷場面，其實他倆曾拍拖，亦於電影《喜愛夜蒲》中床戰連場，兩人再合拍親熱戲，絕對駕輕就熟夠晒合拍！

Greg昨晚透過電話回應時承認有打算找DaDa「再續前緣」：「佢好專業，非常樂意再合作。（有肉搏場面？）劇本未完成，未答到喎！（你會正面全裸？）如果劇本有呢個需要，我唔介意，又可能搵到更好嘅男主角，交畀人哋演呢！」

半裸上陣想吻蛇

另外，昨日Greg的化妝廣告造型照曝光，半裸上陣的他被小蛇纏頭仍毫無懼色，還笑言想跟蛇親吻。至於同場的姜文杰，自爆近期遇上騙案，聲稱一名劉姓女士邀他亮相台灣主持人寶弟的內地綜藝節目，更已簽合約，其後發現原來是騙局，雖然沒有金錢損失，因洩露了個人資料，感到擔心。

文：影視組