張致恒浸親任女啜
張致恒與首次拍劇的簡淑兒拍攝遇溺及人工呼吸戲份，他表示拍攝前有跟女友莊瑞兒備案，對方更看晒他的劇本，不過他笑言不是女友嚴格，只是想給她安全感。而之前不接受傳媒訪問的陳慧珊，則有禮貌表示不做訪問。
藝人陳慧珊（Flora）、張致恒（Steven）與落選港姐簡淑兒（Jessica）昨日下午於酒店泳池，為新劇《波士早晨》拍攝外景，劇情講述不諳水性的Steven為Jessica執掉落池中的公仔而遇溺，而現實生活中不懂游水的Jessica，反而奮不顧身跳落水營救，身穿兩件頭密實泳裝的她，俯身向對方心外壓時露微波，更大送「肉嘴」為Steven人工呼吸，Steven今趟認真好艷福！
無福消受
拍攝後上水時，Steven身體不停顫抖，說到他今次甚有艷福時，他反而謂：「艷乜鬼嘢福呀！我都唔知幾凍，個身係咁震，不過拍呢場戲時都有向女友（莊瑞兒）備案，佢睇晒我所有劇本，我都有叫女友唔好怪我，自己拍時會盡量唔郁。」問到女友是否很嚴？他又謂：「唔係，都係想另一半安心，畀番信心佢。」
爆樽護花
首次拍劇的Jessica就相當緊張，Steven都有教她走位，由於女方不懂游水，故拍攝時導演都有即場指導，可惜她都游不到。問到Steven於劇中跟Jessica還有沒有親熱戲？他笑言：「我以為係秘書戲，但原來都好多打鬧戲份，有一場講我女朋友畀人追求，仲要爆樽，隻手受傷。（現實中女友畀人溝會否出手？）唔會，但會唔開心，咁一日未結婚都唔可以阻人追佢，如果結咗婚我就真係出手嘞！」
至於早前被爆怒掟劇本的Flora，面對兩位後輩連番NG未感不耐煩，相反更主動手口並用提點新人，等待Roll機期間，三人亦有講有笑，她又幫工作人員搬。不過，當傳媒邀請Flora受訪時，她禮貌地婉拒，稱私人事不作回應。
文：影視組