周家蔚再生仔似足洪金寶

圈中恩愛夫婦洪天明與周家蔚兩年抱兩，繼2013年誕下大仔洪大仁（TJ）後，昨日家蔚在養和醫院開刀誕下重七磅十一安士的細仔（JT）！再次榮升爸爸的天明，即在微博公布喜訊，並上載細仔照片，其後天明接受本報訪問時，表示母子平安，並會在本月三十日出席活動向大家分享喜悅，他謂：「媽媽（家蔚）同BB都好健康，不過媽媽就累啲，都想畀啲時間佢休息，三十日我會出席活動再同大家講o架啦！」而他昨日在微博代JT表示希望可以快點一家團聚，他寫道：「Hi all！大家好！我是JT.今（昨）天來到這個世界，請睇住細佬。……好想快啲返屋企見哥哥。多謝大家的關心。Love You all。」

麥包去醫院探B

JT與哥哥同樣似足爺爺洪金寶，難怪本報昨日向洪金寶祝賀時，他笑言孫仔似足自己：「都係似我！（重幾多磅？）七磅十一安士，差唔多成八磅！」另外麥長青（麥包）昨日約五點半現身醫院，麥包代天明向傳媒朋友表示：「佢今（昨）晚會留喺度唔會走。（似邊個？）咁細個未知似邊個呀。（BB重幾磅？）呢啲嘢都係留番畀天明講啦！」

剛出世不久的JT，十足爺爺。	好友麥包已到醫院探B。	洪金寶

對於JT改中文名一事，在早前播出的無綫節目《最佳男主角》中，洪金寶就透露為TJ改中文名時，「大仁」諧音似足「大人」，但當時天明就坦言要求改名，他說：「我問老竇有無得改過第二個名，佢就話不如叫大爺啦，咁我就話算啦！今次第二個囝個名，我會自己諗，因為老竇諗咗幾個，我都唔係好接受到。」

佘詩曼契埋細佬

另作為TJ契媽的佘詩曼，對於好友周家蔚、天明再做爸媽，阿佘接受本報訪問時坦言很開心，不過現時忙於拍攝，故未有時間去探望。問會否契埋「細佬」JT，阿佘開心謂：「又多一個契仔，我想儲夠八個契仔、契女，好意頭嘛！」

文：專案組

採：影視姐