郭子健邊怨邊煲恨睇武乳
導演郭子健前晚為李思捷主持的無綫節目錄影，對於近期電視劇《武則天》及《大時代》成熱話，郭導亦追得好貼，還覺得無綫以特技遮了《武》中女角的胸，失了唐朝美女的低胸特色：「我初初都唔信佢加晒（特技），點知佢真係加晒！」不過郭導表示仍會「煲」《武》和《大》，更揚言想找《大》的劉松仁和鄭少秋再合作。
郭子健前晚為無綫節目《今晚睇李》任嘉賓，談到電視劇《武則天》，他讚完亦有畀意見，對於曾在社交網爆粗指《武》加特技遮胸，失了唐朝美女的低胸特色，郭導前晚解釋說，戲中美女如雲，個個好身材，不應埋沒，袒胸露臂並不等如意識不好：「香港觀眾好明白事理，唔等於鹹濕！」不過，郭導表示仍會放下工作繼續追看《武》和《大時代》。
撮合松哥秋官
至於劉松仁於《大》的神級演技掀話題，郭導表示從《京華春夢》起已很欣賞松哥，一直想合作但對方工作忙：「佢比較少拍電影，拍《救火英雄》嗰陣已經想搵佢，仲想搵埋秋官，之前想搵佢哋拍現代大俠嘅電影，英國仲有騎警，想搵佢哋演，希望有機會。」
《華麗轉身》高開
另外，無綫前晚黃金時段換上全新節目，首日收視報捷，包括第一線劇汪明荃與松哥主演的《華麗轉身》，平均收視24點，逾155萬觀眾收看，最高收視27點，逾175萬觀眾收看，而首次開拓一至日播足七日之二線劇《武則天》平均收視亦有24點，與上周《以和為貴》結局篇的平均收視相同。緊接《最佳男主角》播出的《食平3D》平均收視22點，逾142萬觀眾收看，最高收視為23點，逾149萬逾觀眾收看，比《最》平均收視升兩點。
文：影視組