約瑟殺入土瓜灣部署巷戰

約瑟由尖沙咀轉戰土瓜灣拍新戲。

奧利華、約瑟、「冼樸」Zachary Quinto以及奧斯卡最佳女配角得主Melissa Leo等人近日來港取景，拍攝改編自「走佬特工」斯諾登（Edward Snowden）真人真事的電影《Snowden》。繼前日於尖沙咀酒店化身黑面特工後，劇組昨早再於酒店趕戲，中午就見奧利華與約瑟到諾士佛臺附近拍外景。一場落樓梯的場面，動用逾十位臨時演員上陣，約瑟來回走足幾勻，不過現場就未見粉絲追星！

爛車備用

二人下午隨大隊轉場，到土瓜灣舊樓封路拍攝，約瑟與奧利華未埋位時神情輕鬆，與工作人員有講有笑，不過發現記者時即變臉潛水！雖然現場出動十多架車以及大批工作人員，但不少街坊都未能認出兩位名人，又有圍觀者指同一條街曾吸引神劇《大時代》和荷里活大製作《變形金剛：殲滅世紀》（Transformers:Age of Extinction）取景拍攝，但今次就未如拍《變》片出動直升機般大陣仗。

隱閉小巷內有爛車備用，似拍危險鏡頭。	約瑟未埋位時神情輕鬆，有講有笑。	Zachary在中環出沒。

而奧利華與約瑟後來於隱閉小巷拍攝，巷中只見有一輛爛車，似乎拍攝危險鏡頭。同場亦見約瑟身與疑似英國男星Ben Chaplin傾偈，不過公布卡士就未見Ben榜上有名，未知是否神秘角色。另外，有粉絲於社交網站Instagram分享於中環野生捕獲同片男星Zachary！

文：外娛組