Cara紫魅誘惑

頒獎禮一向是女星爭艷之地，早前在洛杉磯舉行的《MTV電影頒獎禮》（MTV Movie Awards）上演演員與超模之爭，穿上晚裝鬥華麗鬥搶鏡，最後由超模組勝出，而星級造型師郭慶彬（Ricky）就大讚Cara Delevingne一身罕見的深紫色打扮好成熟，將性感美及女性美集於一身。

「呢條深紫色裙好啱佢膚色，感覺好白滑，佢着露趾黑色高跟鞋同條腰帶配成一絕，呢件lace衫好難着，高貴性感，少啲膽識都着唔到，佢將性感美同女性美集於一身。」

「件衫好難carry，喇叭袖好易着得好肥，佢唔係高挑身形嘅女仔，可以令佢比例修長，另外襯彩藍色鞋，唔使黑色咁悶，靚得嚟係潮。」

「完全唔掂，正宗衫着人，carry唔到呢套outfit，第一冇高度，第二鞋已經襯錯，令佢對腳好短好肥，佢本身唔係高瘦型女仔，着唔到型嘅感覺。」

「襯呢款高跟鞋同clutch bag保守咗啲，靚但係唔清新，換對淺粉紅色尖頭鞋會更好，比例均勻，着得好修長，美中不足髮型有啲『論盡』，紮馬尾或中分會更有時代感。」

「雖然身形唔高，但着出美感，呢件jumpsuit着得佢一啲脂肪都冇，桃紅色好搶眼幾特別，穩陣會襯金銀色配搭，但襯粉藍色又好清新。」

「條裙令身形比例拉長，騷長腿好好睇，a-line裙望落去好女仔，而藍色亦好啱佢，今年都好興呢隻藍色，春夏大熱之一，佢襯呢對鞋係神來之筆，令佢線條更靚。」

「其實件衫cutting好靚我好鍾意，顏色好搶眼，但係佢整到個胸太大，令人有壓迫感，有時着太低V未必要着到咁性感，但要讚佢襯有帶涼鞋幾型，不過佢個額頭好方，唔應該襯all back，分側界輪廓會好啲。」

星級造型師郭慶彬（Ricky）的配搭功架深受女星讚賞，是型媽吳君如、「大美人」李嘉欣與「玉女掌門人」周慧敏等的御用造型師，在業界備受肯定。Ricky亦經常被各大品牌誠邀出席米蘭與巴黎時裝周，於品牌活動上充當講師，分享配搭之道。