莊思華等告崇恩求婚 唔怕7年癢
名模莊思敏胞妹莊思華（Mona）與著名練馬師告東尼之子告崇恩前晚拍拖出席派對，Mona稱兩人已拍拖六年，但男友仍未求婚，Mona揚言無懼七年之癢，對愛郎信心十足，被問到佳期時，她即含羞答答稱不知，看來男友是時候行動了。
莊思華與男友告崇恩前晚現身愛彼女皇盃慶祝派對，Mona大爆男友怕醜，所以未肯雙雙在傳媒面前合照。Mona表示與男友拍拖六年，早已融入對方家中，經常會與對方家人一起到馬場，至於何時好事近？Mona甜笑地說：「唔知呢！」但就否認手上戴着的鑽石戒指由男友所送：「係媽咪送。（男友求婚未？）未。（有冇傾過？）有，但未去到好深入。（期待點樣嘅求婚？）冇乜特別，唔使特別誇張，簡單、開心就得。」
想事業上穩定先
Mona稱小時候比較天真，曾幻想25歲結婚，但現在人大了，反而想推遲少少，她解釋：「我想所有嘢穩定啲先。（拍拖咁耐好穩定？）仲有事業上都想穩定啲先。（係咪唔想爬家姐莊思敏頭？）唔係，佢都好多人追，佢性格硬朗啲啫！」雖然下年兩人就踏入「七年之癢」，但Mona坦言不相信這回事，對戀情信心十足。
正忙於籌備相展
同場有性感女神鍾楚紅（紅姑）、名模歐陽妙芝等，紅姑透露向來有收藏腕錶的嗜好，但從不割愛送人：「我感情豐富，對每樣嘢都有感情，唔會貪新忘舊。」她表示正忙於籌備相展，以大自然及環保為主題。提到其好友周潤發經常被巿民「捕獲」，她笑言：「都有巿民要求同我合照，但我好少影，我覺得唔好意思，唔知係咪因為女性嘅關係。如果女粉絲搵我影會好啲。」
另外，黎明會以愛彼女皇盃大使身份出席今日在沙田馬場舉行的盃賽。
文：名人組