梁漢文孖老婆視像傳情
歌手梁漢文（Edmond）前晚以大使身份出席科技活動，同場有大晒美腿的Super Girls等。Edmond透露平時都花頗多錢換電腦：「因為我有3、4部電腦，一啲自己用，一啲做音樂，所以換得密啲。」
問Edmond可會用電話跟老婆Karen傳情？他表示會：「尤其是喺第二度做嘢嗰陣，其實唔只老婆，都會同屋企人視像通話，試過有次喺加拿大做騷，酒店喺瀑布隔籬，我都即刻同屋企人視像通話畀個瀑布佢哋睇，佢哋都好開心。」問他Karen可會check他的手機？Edmond謂夫妻之間會互相信任：「佢好少check我，應該係大家都冇，我甚至畀埋部電話佢用，冇乜嘢，佢用嚟睇片或上去我account睇吓fans留言。」
