卓林「友」約現身 南丫島疏乎
藝人吳綺莉與女兒卓林近日摩擦頻生，卓林更再度「離家出走」。當吳綺莉心急如焚「搵女」之際，原來卓林竟相約數名閨蜜把臂同遊南丫島，十分寫意，至於吳綺莉卻斯人獨憔悴，向記者形容自己「日漸消瘦」，媽媽認真唔易做！
卓林因想飲啤酒及拒絕做功課，引致令母女倆發生衝突，卓林拒絕回家，二人「失聯」至今，吳綺莉心急如焚，不過卓林卻心情大佳，昨日更與數位外籍女友人搭船到南丫島遊玩，又燒玻璃又食海鮮再環島遊，更將旅行相上載到互聯網公諸同好，似乎已將不快家事忘懷！身為母親的吳綺莉得悉卓林「現身」，即無奈回應：「我冇上網，所以冇留意，同普通家長感受一樣，覺得小朋友大個咗控制唔到，不過最緊要係做功課同讀書囉，總之交畀社署……我17歲嗰年都做咗啲嘢屋企人唔鍾意，要慢慢教囉。」
學校派員與社署開會
昨午二時許，吳綺莉獨自駕車離開大埔寓所，前往鹿頸用膳，期間只在茶座逗留約20分鐘，然後便「打道回府」。她受訪時透露周二（28日）會跟社會福利署開會，屆時卓林學校亦會派員到場。她又指自女兒「出事」後自己消瘦了不少：「呢兩日唔使開工，會休息吓。」當問到邀得律師謝偉俊出手相助，她淡然回應：「個個朋友都幫我做咗好多嘢。」
謝偉俊唔收酬金幫拖
至於義助吳綺莉的謝偉俊，昨日出席亞視活動錄影，面對傳媒追問有關卓林的事，他一概不欲多言，但坦承今次是以朋友身份幫吳綺莉，故沒有收取酬金。談到吳綺莉的母女情，他表示：「第三者講嘢唔係咁好，總之我係幫吳綺莉嘅麻煩事，例如涉警方協助調查嘅工作。」
文：影視組