蓋鳴暉卓粵顧問拒拍激吻戲
粵劇名伶蓋鳴暉昨日與李司棋、龔嘉欣、麥長青等無綫劇集《水髮胭脂》演員在油塘出發，坐開篷巴士到愛民邨及旺角巡遊，宣傳劇集結局篇，男主角陳豪則因病缺席。
自認多媽媽級粉絲
蓋鳴暉很感激無綫製作以粵劇為題的劇集，她說：「眨吓眼星期日就大結局，多謝TVB、司棋姐同眾多前輩。個劇講粵劇，同我本身工作有關，發揮所長，但監製唔係太認識粵劇。（你做埋顧問？）唔係，我提番啫，互相交流，豐富個劇。（再拍TVB劇集？）我粵劇工作都忙，要睇故事。」問蓋鳴暉是否不喜歡拍激情戲？她說：「咁啱冇安排到啫。（激吻OK？）咁又唔係咁好，我啲fans好多係媽媽級，睇住我大。」
龔嘉欣冇諗搵人仔
提到無綫有新股東加入，有望拓展內地滲透率，蓋鳴暉說：「正如我哋做大戲，有班主撐，啲衫都可以做靚啲。」龔嘉欣則謂：「我完全唔知呢件事。（想唔想搵人民幣？）我唔諗咁多，keep住拍劇，依家返咗《愛‧回家》。（個劇要完結？）我暫時收到通知，拍多一個月左右。」
文：影視組