周柏豪出冧招肉緊攬女

周柏豪近年在內地舉行多場簽唱會及巡迴演唱會，日前他專程飛往昆明出席簽唱會。雖然柏豪國語歌不算多，但仍吸引五百名歌迷支持，當中大部分從另一地方到場，包括四川、貴陽及廣西。當司儀邀請女歌迷上台玩遊戲時，來自四川的女歌迷開心得淚流滿面，由於對方不太懂廣東話，但仍一一數得出柏豪出道至今的歌曲，令柏豪感動得眼紅紅。

珍惜內地騷

女歌迷即場向偶像透露坐了廿多小時車程才到現場，柏豪為答謝對方千里迢迢支持自己，即主動與對方肉緊抱抱，氹得女歌迷淚如雨下，柏豪亦細心遞上紙巾。當柏豪離開現場，對方亦追住柏豪座駕依依不捨地揮手，柏豪說：「每次喺內地出席活動都好感動同感恩，因為好多都唔係住嗰個地方，係喺唔同嘅省嚟支持我，所以我會好珍惜。」

柏豪飛往昆明出席簽唱會，獲五百名歌迷支持。	見獲攬的女歌迷冧到爆喊，柏豪細心遞紙巾。	柏豪稱每次到內地出活動都很感動和感恩。

車身滿唇印

曾獲瘋狂歌迷在車窗留下香吻的柏豪笑說：「我將唇印擺上網誌之後，每次車身都會有唔同嘅唇印。」柏豪完成多場內地「Perfect8巡迴演唱會」，問到成功吸金的他能否畀首期？謙虛的柏豪說：「OK啦，夠養家人，可以令退休嘅父母有安定生活同可以去吓旅行。」

文：音樂組