劉佩玥女神嗌怕醜

憑無綫劇《四個女仔三個BAR》人氣急升的劉佩玥（Moon）升呢「新一代宅男女神」。近日忙拍新劇《殭》之餘，亦密密接Job搵真銀。對獲網友封為「女神」，阿Moon坦言受寵若驚：「女神應該係鍾楚紅（紅姑）、舒淇咁靚，依家雖然開心但有啲怕醜。」談到好姊妹陳瀅、何雁詩、陳凱琳同時榮升「女神」，她笑言四人有討論過：「我哋都覺得好有趣，因為我哋風格唔同，每個人欣賞我哋嘅地方都唔同。」
劉佩玥人氣急升，被網民封為「新一代宅男女神」。
劉佩玥人氣急升，被網民封為「新一代宅男女神」。

此外，早前獲無綫高層曾勵珍（珍姐）點名大讚兼力捧，阿Moon直言感激公司給予機會：「每次都好畀心機去做好每個工作。好多謝珍姐，係一個好好嘅鼓勵，令我以後做得更好。」

（左起）何雁詩、陳瀅、劉佩玥與陳凱琳因拍劇而結成好姊妹。
  • （左起）何雁詩、陳瀅、劉佩玥與陳凱琳因拍劇而結成好姊妹。