奶爸陳豪借B瘦身

陳豪在無綫新劇《水髮胭脂》中，飾演寸嘴室內設計師，常寸爆蓋鳴暉，但現實中陳豪卻是兩位兒子的慈父。早前再做父親的陳豪，大談現時得心應手的湊仔經：「第二個BB出世都係好開心，唔同嘅係湊BB多咗份信心同埋更加enjoy。好似細佬喊，你會知佢咩事，係要換片定肚餓，可以好淡定去處理。」

親力親為(目及)到實

第二次做老竇的陳豪，雖然湊仔駕輕就熟，但也瘦了六七磅，他笑言：「第一次做老竇瘦咗十幾磅，今次冇咁多，瘦咗六七磅左右。夜晚要起身幫手餵奶，我哋都盡量自己湊番，都算好順利，因為都經歷過晒。」陳豪又指孩子在父母心目中都是如珠如寶：「兩個都咁靚仔，細仔啲手腳就似我多啲，希望佢哋似媽咪啦，似媽咪靚啲。」陳豪的大仔現時約十五個月大，十分活潑，對事物好奇：「都唔係咁敢畀細佬佢掂，要睇實佢，唔係佢當細佬係玩具。」

陳豪希望囝囝遺傳媽咪陳茵媺靚樣。	親力親為湊B的陳豪，雖然駕輕就熟但也瘦了六七磅。	陳豪在劇集《水髮胭脂》中常寸爆拍檔蓋鳴暉。

學欣賞粵劇文化

在外國長大的陳豪，原對粵劇沒有太大興趣甚至有點抗拒，但拍攝劇集時曾學習過崑曲，自此會懂得欣賞中國的戲曲文化，他說：「以前好抗拒睇粵劇，但係學過崑曲後就有興趣去睇，識得去欣賞粵劇。」

文：影視組

攝影：林蔚恩