亞視去信通訊局 阻頻譜被奪
藝人馬浚偉首次踏進亞視，以嘉賓身份錄影節目《下一站諾富》，自由身的他與無綫沒有合約在身，但基於禮貌和尊重亦知會了無綫高層曾勵珍。他又指是次活動沒有酬勞。
同場，亞視執行董事葉家寶對於奇妙台申請免費頻譜一事，他說：「通訊局話要收番我哋原本到2018年嘅頻譜，所以奇妙台話要申請，我哋去信畀通訊局話咁對我哋唔公平，因為頻譜係到2018年。通訊局覆番都係確定免費電視傳送到邊日停止，同時會收番頻譜，依家交咗畀法律部門研究。」對於邱德根之子邱達昌申請免費電視台牌照，葉家寶表示：「對方之前都有話想買我哋股權，又同我私下傾睇吓點幫到亞視員工。」
對於有傳王維基以五百萬透過亞視播其劇集，但又有指亞視要求一千萬才會作出考慮，葉家寶表示：「條款保密唔講得住，下星期一五點前要覆佢，成數唔評估，要畀董事會確定。」