吳若希心繫TVB等住賺人仔
日前翡翠東方TVBC的董事長黎瑞剛正式入股無綫，身為TVBC的一姐佘詩曼連聲讚好，阿佘指黎生於影業界有資深經驗，無綫可廣泛擴展，對自己的作品有更多人欣賞感興奮。而藝人吳若希被問到賺多些「人仔」時，則賣口乖指：「有更多都唔拘！」
無綫前日宣布「上海傳媒大亨」黎瑞剛正式入股，而黎瑞剛亦是翡翠東方TVBC的董事長，身為TVBC一姐的佘詩曼接受訪問時坦言這絕對是好事，她說：「黎先生對於影業界的經驗好資深，如果佢喺香港投資，無綫電視劇集同邵氏兄弟電影喺內地會更廣泛擴展，亦會多咗人賞識、欣賞，作為演員都係想多啲人睇到自己嘅作品及演出。」
而無綫另一花旦楊怡則指有新股東加入，證明無綫是一個值得投資的平台，對於藝人更加是一個好機會，打入不同市場，發展空間更大，機會自然多。而徐子珊坦言此舉可令公司有更多資源投入製作。
以香港為基地
而吳若希（Jinny）、莊思敏、狄易達等昨日出席《無綫J2「夠勇 夠潮 敢講 敢做」節目巡禮》，對於黎瑞剛成為新老闆之一，Jinny坦言較喜歡留港發展：「不過內地係另一個市場，可以同步進行當然最好，但始終香港先係基地。（唔恨賺人仔？）無綫畀嘅都足夠，當然有更多都唔拘，依家好舒服。」而莊思敏表示想於內地及馬來西亞發展。
着緊本地觀眾
無綫非戲劇製作總監余詠珊被問到現時新股東加入，是否會有合作？她指還未收到通知，余詠珊說：「無綫始終係香港本土電視台，本地觀眾都緊要，尤其呢個階段無綫責任好大，要做多啲觀眾鍾意嘅節目。」
同場的狄易達對女友吳亞馨稱「覺得自己沒有資格談戀愛，沒有資格去愛人」，他力撐：「女仔會擔心啲，最緊要自己畀到信心大家同佢，佢都需要安全感，可能佢怕影響我工作同發展。」
文：影視組