卓林再離家 吳綺莉學校搵囡

藝人吳綺莉早前因涉嫌虐女而驚動警方，事件擾攘多日後，女兒卓林回到大埔寓所與媽咪同住。事隔未幾，母女關係再現波瀾，前日卓林到學校後未有回家，有指二人再度發生爭拗，吳綺莉到學校門前嘗試了解女兒情況，但未能獲悉其下落，期間情緒激動。

「個女講要飲啤酒」

吳綺莉在學校門前覆述事件經過說：「我個女同我講要飲啤酒，咁我覺得佢飲啤酒OK，咪學吓囉。但我同佢講你都冇返學好耐，點解仲唔做功課，佢就話老師話冇所謂，又話同學都飲啤酒，我就有啲唔高興，講咗佢幾句。」她表示未接獲校方通知卓林遇上的問題，問到卓林是否因想見成龍才令母女關係再度惡化？吳綺莉表示與事件無關。在校門前擾攘多時，吳綺莉獲安排進入校內與社工傾談，逗留至晚上九時許才離開。而卓林則於深夜時分在外籍校長陪同下步離學校，二人走避媒體追訪，但未幾再度返回校內，校長則於深夜一時許獨自離開學校。

「唔想搞大件事」

擾攘一晚後，吳綺莉昨午四時半現身大埔寓所，經過前一晚與社工溝通後，吳綺莉表示仍未掌握女兒的下落，對於再與女兒發生爭執，她說：「其實啲15、16歲嘅小朋友都會咁，總會覺得朋友係啱屋企唔啱，我都學緊點樣同兒女相處。（點解唔坐低傾？）我哋係成年人，有時都分唔到好同壞，更何況小朋友。（係咪之前管教太嚴？）一半半啦，始終小朋友唔管又唔得嘅。（影響到工作？）咁又冇咩，大人都要正常做番自己嘢，唔通我同佢一齊癲咩，如果大家都係咁，就一齊癲晒o架喇。（有冇聯絡警方？）唔想搞大件事，我搵唔到個女係可以報警，但希望以和為貴。」而有線電視方面曾與校方取得聯絡，問及卓林的情況、有否再度報警處理、以及卓林目前是否身在學校，校方均表示未能透露。

自覺太癲盼原諒

而吳綺莉昨晚接受本報電話訪問，她指卓林未曾返家，亦跟她沒有任何聯絡，問到學校有否指卓林自己不想見她時，吳綺莉說：「佢（卓林）都好confuse，好upset，佢亦都好相信學校！」她又指自己從未試過這麼癲，希望大家原諒，她謂：「小朋友錫媽咪係啱，但係方法係咪有問題呢？我同佢始終係一家人，仔女都係永遠嘅。」她又坦言相當感恩，指學校社工很中立，指實事求是最緊要。

文：影視組