TVB順民意《大時代》加字幕

無綫神劇《大時代》深宵時段重播再度掀起熱話,不過因劇集已經好舊,有些位好細聲,令一眾熱捧的觀眾睇得吃力,向無綫要求加字幕,無綫決定從善如流,由下星期一第六集開始,會加中文字幕,讓大家睇得開心同輕鬆。《大》劇收視繼續高開,第三集平均有成5.2點,即有34萬觀眾,最高收視有5.7點,即獲37萬觀眾支持,氣勢如虹!

香香演慳妹:真定假

藝人岑麗香昨日出席活動,對無綫有意開拍《大時代》電影版,找她飾演「慳妹」周慧敏一角,香香坦言:「唔知真定假,不過我啱啱返港發展時,有朋友推介我睇《大》劇,所以我有呢套劇DVD,呢排化妝間大家都成日講呢套劇。」談到無綫有新投資者入股,香香表示不知情,指作為演員最緊要是背好劇本。