杜琪峯登6開P 健康 長勝雙贏
導演杜琪峯昨晚在跑馬地一餐廳搞生日會，慶祝「登6」60歲生日，近百圈中好友到賀，半百傳媒到場採訪，人數多到要企出馬路。杜導拿着紅酒在餐廳外向傳媒祝酒，表示想身體健康之餘還想「場場贏」！
昨晚杜琪峯在跑馬地一餐廳舉行生日P，慶祝60歲，劉青雲夫婦、古天樂、黃秋生、任賢齊、楊千嬅、林家棟、許志安、邵美琪、許鞍華、盧海鵬、黃浩然、林小明等陸續到場，星光熠熠。
大派紅雞蛋
張兆輝、洪天明、龔慈恩及車婉婉各人手挽一籃紅雞蛋代杜導派給傳媒。未幾，「登6」的杜導則開心地拎着酒杯走出餐廳向傳媒祝酒，他說：「生日願望係身體健康，大家開開心心！對面就係馬場，希望場場贏。（你叫賓客捐錢畀鮮浪潮幫助新導演？）係，有能力要幫吓新導演，雖然都唔係多，但都要做。」
林家棟解畫
林家棟為金像獎做司儀以「張咩咩」稱呼新演員張雪芹惹來負評，他解畫說：「有唔開心，希望佢唔好介意，我想say sorry，新演員係要保護，我志在搞氣氛。我哋只想好似大家庭咁玩吓，都有攞導演同戲名嚟玩，但呢種方式有人接受唔到。（陳小春都被轟？）我都戥佢辛苦，我好心痛佢中港兩邊走做綵排，做好多嘢係大家唔知，我都有同佢講支持佢，叫佢加油！」
任賢齊沒打算為杜Sir獻唱賀壽，他說：「杜Sir係咪霸嚟o架！」問到與太太同來的張兆輝送了甚麼禮物？他說：「準備咗喇！」
文：影視組