黃美棋擦海鮮治敏感

「宅男女神」黃美棋日前遠赴美國拍攝旅遊節目，期間她忙裏偷閒，特意跑到三藩市一間碼頭餐廳「朝聖」食海鮮！美棋大讚當地的海鮮拼盤抵到震：「呢個拼盤喺當地好出名，平均二百蚊港幣就可以一次過食晒蟹、蝦、蜆同青口！而且仲好有分量，就算你幾鍾意食海鮮，你都要至少搵個朋友share先食得晒！（配白酒？）食海鮮就一定要開支白酒同大家邊傾邊食啦！」
黃美棋品嘗海鮮拼盤，當然要配襯白酒。
黃美棋品嘗海鮮拼盤，當然要配襯白酒。

自認「海鮮迷」的美棋自爆懶理皮膚敏感，狂擦新鮮美國蠔：「雖然當時我皮膚敏感，但我真係好鍾意食海鮮！所以我去到美國都係忍唔到口要食蠔，好新鮮同好重海水味，大概一蚊美元一隻。不過奇怪嘅係我忍唔住『破戒』之後，反而停咗皮膚敏感，所以更加無顧慮咁狂食！」

黃美棋狂食生蠔，大讚新鮮。
  • 黃美棋狂食生蠔，大讚新鮮。