成龍聞女笑晒 卓林展歡顏
成龍近日接受《好報》專訪，終打開心扉談「女兒」小龍女（吳卓林），指相認與否待上天安排：「順其自然啦。」談到卓林遺傳了他的身手，還拍片放上網，他說沒留意。前晚成龍在澳門出席頒獎禮被問到卓林，即笑笑口離開。而吳綺莉昨載卓林返家，對於成龍有關言論，吳綺莉皺晒眉，卓林卻全程笑晒！
61歲的成龍推出個人自傳《成龍：還沒長大就老了》，書中大談自己年少輕狂及戀事等秘聞，惟沒有提及多年來的禁忌「女兒」卓林，不過近日他接受《好報》專訪時終打開心扉，透露年紀漸大令其明白到有些事不能控制，便要放下執着。
「對佢係傷害」
對於早年曾改遺囑，但卓林卻未有分得一分一毫，問成龍現時想法是否依然沒變？他笑謂：「相信佢都唔需要我啲身家啦。（覺唔覺咁多年拖累咗佢？）係啱，對佢係一個傷害。（冇爸爸呵護下成長。）你覺得我又慘唔慘？呢邊又對唔住，嗰邊又對唔住。」問是否堅持不認卓林為親生女？成龍有感而發謂：「順其自然啦。（係咪唔抗拒？）見到就見，我好隨便。（卓林遺傳咗你身手了得，仲拍埋片放上網！）我冇留意，冇睇到呀！」
成龍前晚到澳門出席頒獎禮，對於自傳提及與鄧麗君一段情，有傳因而遭鄧的家人指抽水，成龍謂：「三哥（鄧麗君三哥）講過話冇呢回事，要講就攞真憑實據。」有傳媒問成龍可有留意卓林近日的新聞，他即笑笑口拍枱起身說：「多謝！」之後轉身離開。
母女親密返家
至於吳綺莉與卓林重逢後變得更親密，昨傍晚吳綺莉如常載卓林返家，對於成龍的一番言論，吳綺莉皺眉謂：「今日好忙，未睇報紙。（點睇父女相認？）唔知咩事。」說罷便急步入屋，一直於母親前方的卓林聽到有關成龍的問題時卻笑笑口。
文：影視組