鍾嘉欣向伍允龍派定心丸

藝人鍾嘉欣、陳展鵬及其經理人日前約9時半，從新西蘭飛抵香港。嘉欣與陳展鵬早前被爆料指往新西蘭登台時，穿情侶裝甜蜜行超市，令「嘉鵬戀」更加似層層！最近盛傳與拍拖八年男友伍允龍分手的嘉欣，抵港後刻意慢行與展鵬保持距離，而嘉欣接受《ontv東網電視》訪問時，被問到與伍允龍關係，據知已被伍允龍「箍掂」的她保持微笑說：「私人事唔回應。（傳你同陳展鵬撻着？）唔係，冇可能！我同陳展鵬只係同經理人去超市買嘢。」不過問到有指伍允龍會為無綫拍劇時，她說：「冇聽過，如果係真，會畀貼士佢。（怕唔怕撞到尷尬？）唔會，我哋關係OK。（合演情侶？）好！咁熟冇所謂，大家都係專業。」稍後她會返內地拍王晶新劇《哪吒》，跟王祖藍合作。