周麗淇祝福舊愛：希望佢開心

周麗淇與王敏德女兒王曼喜、名模樂基兒（Gaile）、Danielle等昨晚出席Tory Burch首間泳裝Pop-up店揭幕活動，Niki被問到舊愛鄭嘉穎與陳凱琳的緋聞，她說：「唔知道，我好out，連自己嘅新聞都跟唔切。（啲人話父女戀！）真係唔知，冇睇新聞，好似講乜都唔係幾好。」她大讚陳凱琳靚女，並反問記者嘉穎如何回應緋聞？記者指他否認，並謂不排除發展可能，Niki聞言後說：「咁得意！穩陣答案，希望佢開心。」

責家姐太瘦胎唔肥

談到胞姊周汶錡（Kathy）佗B身體如何？Niki踢爆家姐亂吃東西，連大肚婆忌吃的筍也照食，她似做檢察官般監督家姐不能亂吃，她又覺得家姐太瘦：「個BB唔夠肥，佢又食唔肥，但以大肚婆嚟講，佢真係好靚。」此外，Niki指因腳傷未痊愈，透露因而推了一套新劇：「仲要個幾兩個月先好番。（咪多咗時間拍拖？）拍拖唔使時間。（有藉口拍拖！）反而同家姐一齊留喺屋企，佢養胎我養傷，媽咪見到我哋最開心。」

Gaile勤做運動，身形變fit，同時恭喜前夫黎明減肥成功。	鄭嘉穎與陳凱琳傳出緋聞，成為全城焦點。（資料圖片）	右起：王曼喜、伍靜麗、Danielle、周麗淇、樂基兒與Ana R.同出席活動。

Gaile恭喜前夫fit

明顯清減不少的Gaile表示平日會跳舞及做瑜伽，夏天則多參與水上活動，問到有否聽過前夫黎明吃火龍果後「坐半個鐘唔好郁」的減肥法？Gaile笑言不明白，經記者解釋後說：「每個人減肥方法都唔同，要因應個人DNA去做唔同減肥方法。（有冇留意佢出活動明顯fit咗？）冇留意，唔清楚，但恭喜佢。」至於王曼喜表示晚上與家人吃飯慶祝父親生日，同性女友Lia會一同慶祝？曼喜說：「冇，佢唔喺香港。（製造多啲機會等佢同屋企人相聚？）冇乜所謂，爹哋、媽咪都好開放，平時都有一齊食飯。」

文：名人組