周顯揚抗悶 挑戰文藝片

導演周顯揚（Roy）執導的功夫片在金像獎榮獲十項提名，成績斐然，雖Roy遺憾未獲提名最佳電影，但就為主演的彭于晏入圍最佳男主角而感興奮：「對佢有信心，憑功夫動作片入圍好難得，又要打又要演，係一個好大嘅肯定。自己都冇諗過套戲會咁多提名，好圓滿！得到獎係錦上添花。」

實踐電影理念

入行十六年，Roy上年終自立門戶成立「天一電影」，期望挑戰自己拍攝不同類型的電影，更會參與製作及投資等範疇：「希望將來拍啲文藝戲，畀觀眾睇到我哋製作嘅嚴謹同誠意。要搵錢嘅會去炒樓，唔會做電影，拍電影係有個責任同理念。」Roy現忙於籌備偵探片《霍桑》，更已得到內地和美國的公司投資：「每拍一部戲都考起我，因為有好多唔同嘅嘗試，浪漫愛情、輕鬆一啲嘅都想拍，投資者同觀眾都對我愈嚟愈有信心，一步一步行喇，呢兩年都會好辛苦，但好玩嘅。」

平衡湊女時間

雖埋首工作，但Roy都表示會盡量抽時間陪伴現時四個月大的愛女周令昂：「少咗時間湊佢，都冇辦法，會盡量花時間，要攞番個平衡。」

文、攝：專案組