張名雅辣慶子珊 遭扯髮彈bra帶
前港姐張名雅突破斯文形象，於新劇《以和為貴》演繹癲喪小三，更單挑徐子珊，最終慘遭彈bra帶、扯甩假髮兼毀容，張名雅處女下海甘做性感小三，兼大晒「事業線」，演出令人期待！
首次正式拍劇的張名雅，今次在無綫劇集《以和為貴》中飾演癲喪小三模特兒Betty，可謂徹底拋開其高貴港姐形象，罕有展露驚人「事業線」，穿bra-top熱褲跳aerobic，說：「今次我都緊張睇番自己，雖然我平時都係傻傻哋，但觀眾唔會見到！（點傻法？）例如喺屋企睇睇吓電視我會無啦啦大嗌一聲，（捽腳趾？）捽腳趾呢啲就係人都會做o架啦！睇吓喺邊度啫！若果劇入面要我捽腳趾我都會做！」
向男神學撒嬌
張名雅今次為拍劇可謂去到盡，不顧形象的她認為演戲時理所當然拋開自我框架，盡量代入角色，以至期間辣慶徐子珊展開肉搏，笑言：「女人打交話嚟就嚟o架喇！（劇情）打到扯甩咗自己個假髮啦，又彈bra帶咁！之後佢直頭坐埋喺我上面，徐子珊狼人上身抓損咗我塊面，不過係劇情嚟啫！」拍過今套劇之後，名雅更笑言從同劇的馬德鐘身上，學習溫柔嫵媚嬌嗲功夫！
唔羨慕朱千雪
張名雅與朱千雪、黃心穎同以2012香港小姐的身份出道，惟奪冠的她過去多為無綫擔任主持和司儀，反之千雪和心穎能主力在劇集拼搏，對此名雅未言羨慕：「每一個人條路都唔同，可能我哋嘅目標都喺同一點，有啲人行行吓兜咗路會崎嶇啲，但係我經歷過嘅同埋所學到嘅我都一生受用，所以目標一定要清晰，拍過劇之後我覺得自己鍾意演戲，想嘗試唔同角色。」
文：影視組
髮型：Derek@Hair Salon