馬德鐘憑厚多士殺出喜劇路
拍劇多年的馬德鐘首次演喜劇，在無綫劇集《以和為貴》中飾演「厚多士」角色，他覺得十分新鮮、好玩，似在演自己，他說：「以前都有提出過想拍喜劇，可能自己唔出聲個樣酷、身材又比較高大，所以之前角色多數做阿sir，雖然角色受歡迎，但就唔似厚多士咁接近觀眾。」
馬德鐘平日愛講笑充滿幽默感，他說：「我同厚多士一樣把口都係唔收，鍾意整蠱人，今次角色受歡迎，可以話殺出一條血路，希望將來拍多啲喜劇。」
劇中演員不時「爆肚」互動搞笑演出，馬德鐘與徐子珊演一對更擦出火花，他說：「同徐子珊合作過所以都好合拍，就算拍咀戲都唔尷尬，因為大家都代入咗角色。」