鍾欣潼心力交瘁 抗拒異地情

阿嬌多年來緋聞不少，公開認愛的只有與韓國男友K先生的異地戀，無奈「嬌K戀」短短十個月即宣布玩完，未知是否傷得太深，至今她仍未有新戀情。對於可會再覓異地情人，阿嬌耍手擰頭說：「唔好啦，好難維繫，我份人拍拖唔可以唔見面，至少都要有溝通啦，如果要估對方做緊乜，又驚唔知有冇呃你，好心力交瘁呀！」

坦誠互信

阿嬌這段港韓舊情，深深體會到坦誠互信的重要，當時兩人分手的致命原因有傳是K先生花弗，常有女埋身，自認是「醋娘子」的阿嬌說：「係o架，除非對方可以畀到好大嘅信心我，起碼每日要話我知去邊，發生事又會同我講聲。（話去飲酒其實去識女仔？）呢啲異地戀先會發生嘅。（所以特別抗拒？）係囉，異地戀以前我都唔係好buy嘅！（咁又中伏？）愛囉……曾經有過一個愛字。」

單身多時，阿嬌笑言連老闆都安慰她！

阿嬌與韓男K先生的一段異地戀，令她怕怕再覓異地情人。

楊生安慰

不過，身邊的好姊妹如容祖兒有劉浩龍（師兄）、蔡卓妍（阿Sa）有陳偉霆（William），大家都成雙成對，只有阿嬌形單隻影：「我見到佢哋幸福我都好開心，但感情急唔嚟，隨緣啦，勉強搵個都唔長久，無謂浪費青春、時間喺個冇將來嘅人身上。」

對於祖兒和阿Sa拍拖由不被睇好到獲接受，阿嬌認為可以慢慢用幸福的事實告訴大家，而她亦從來沒刻意抗拒與圈中人拍拖：「兩人相處最重要『人夾人』，連老闆楊生（楊受成）都怕我孤單安慰我，叫我唔使急，五十幾歲生BB都唔遲，我忍唔住答：『會唔會太遲呀，講笑咩！』」

攝影：張福宏

化妝：Circle Cheung （ndnco.co）

髮型：Davy Yu@salon amarone

服裝：Chris by Christoper Bu

場地：GATEWAY HONG KONG HOTEL

文：音樂組