吳若希捱到病 有仔陪食慰問

吳若希（Jinny）近月可謂禍不單行，繼上月底母親炒單車入院後，日前又承受喪外婆之痛，不過堅強的她未有因此停工，每日收工即趕往醫院探母親，人前笑哈哈的Jinny原來擔心病母搞到徹夜難眠兼胃口大減，令身邊人極度擔心，不停陪她及逼她進食。

Kellyjackie劃界線

Jinny前晚在醫院逗留至九時半才離開，並與Kellyjackie及助手到九龍城醫肚，期間有一名男子加入，四人有講有笑，Jinny與Kellyjackie不停互窒，Jinny被問到同枱的男子是否新歡？緋聞多多的Jinny笑說：「我緋聞已經夠多，冇可能啦，佢係Kellyjackie朋友，我哋見過好多次同識咗好耐。」問是否Kellyjackie的男友？Kellyjackie即望住男方說：「唔好斷我米路。」接住解釋說：「因為要攞嘢畀佢，所以一齊食飯。」

吳若希（右二）攬實好友Kellyjackie（左二）醫肚，同枱還有一名男子陪食。	吳若希留言表示自己病倒，好想向別人撒嬌。	吳若希與Kellyjackie不停互窒減壓。

而Jinny前晚上載四人的食飯相上Instagram，並留言：「好久沒吃那麼多啦，滿足。」經過一夜後，昨午Jinny即告病說：「人病的時候都特別脆弱，我吐了一個早上，好想哭、好想撒嬌。」

好友指吳母識對答

另外，因拍攝無綫劇《衝線》與Jinny成為好友的藝人陳婉婷（Hebe）昨晚單拖探望吳母，她離去時被問到為何不見Jinny探母？Hebe說：「佢做完嘢會嚟。」並透露吳母識對答及識笑。而Jinny至昨晚9時15分仍未見現身醫院。

文：音樂組