千嬅做失憶司儀

藝人楊千嬅、林家棟和陳小春昨日以「第三十四屆香港電影金像獎」司儀身份出席記者會,千嬅笑言生仔後只得三成記憶力,做司儀壓力大過做候選人:「擔心當晚台上會講錯嘢得罪人,依家要事先打定底,講聲細路仔唔識世界,大人有大量。」陳小春被問到太太是否再度懷孕?他笑說:「關你乜事?有第一個通知你!」千嬅則表現驚訝說:「點樣有o架?咁快嘅?(你又想追?)已經有個仔啦。睇吓佢咩秘方咁快啫,每個鄉下都唔同。」而林家棟則表示金像獎全部都是自己人,不擔心講錯說話激嬲人。

大會宣布當晚表演嘉賓有王菀之、黃耀明和my little airport-Nicole。而歌手岑寧兒、雷琛瑜、林奕匡和江海迦會負責「向黃霑致敬」環節。當晚頒獎嘉賓則是梁朝偉、舒淇、湯唯、任達華、阮經天、張家輝及黃秋生等。