朱千雪A貨警察 醉娃求救
朱千雪在無綫新劇《EU超時任務》扮演EU警長，穿上制服時確實威風凜凜，幾可亂真，朱千雪透露日前在元朗拍攝時，竟然有醉酒的女士向「A貨」警察求助，千雪惟有表明正在拍劇叫她致電999報警。
無綫藝員王浩信、朱千雪、劉佩玥、朱晨麗與苟芸慧等，昨日在將軍澳電視城為劇集《EU超時任務》拜神。一身EU衝鋒隊制服的朱千雪，表示在元朗開工時，被誤以為真警察，竟然有市民向她求助：「有個飲醉酒嘅女仔喺酒吧走出嚟向我哋求助，話佢老公飲醉酒，我哋惟有叫佢打999。」除了市民，連真警察也對她們難分真假，朱千雪笑說：「有日有架真嘅EU車經過，見到我哋架EU車同成班演員坐喺車度，都走過嚟問我哋喺度做乜，我哋話阿Sir我哋拍緊戲。」
王浩信展霸氣
扮演圍村村長的王浩信，造型具土豪霸氣，行出街途人也退避三分，他笑說：「以前出街都會有啲街坊望吓，呢身造型啲街坊可能覺得我好有霸氣，所以都唔敢望我。」講到在元朗圍村拍攝可有遇到麻煩事？他說：「圍村事前已經溝通咗，所以好順利，喺街拍攝反而遇到啲酒醉佬問候。」
劉佩玥少性感
劉佩玥在劇中扮演可愛o靚模，問到可要穿性感服飾？她說：「有啲衫會少少性感，但角色唔使好似o靚模咁出位，因為講我有個有錢哥哥林偉，做o靚模只係賺錢買花戴。」談到有否傳自己的o靚模造型給緋聞男友何猷亨看，劉佩玥表示：「沒有！」
文：影視組