惠英紅重英雄個個有機
影后惠英紅曾於第一屆和第二十九屆香港電影金像獎中勇奪「最佳女主角」殊榮，演技不容置疑。即將舉行的「第三十四屆香港電影金像獎」，她再憑實力入圍角逐「最佳女配角」，力戰鮑起靜、王菀之、郝蕾、薛凱琪。惠英紅坦言能夠與自己最鍾意的演員鮑起靜一齊競逐感到分外開心，她說：「根本唔使睇佢做邊部戲，總之佢一演出就唔會係低水準之作。」
至於新貴王菀之，惠英紅亦指對方演出夠放和大膽，她說：「呢個後輩好勁，要讚吳君如畀咗個好形象化嘅角色佢。」談到對手薛凱琪，惠英紅指她的文戲和傷感戲一向都掌握得不錯，電影世界裏這些演出是頗有難度。而郝蕾在電影中角色好出，都好sharp。
惠英紅從影至今奪獎無數，閒時在家中亦會拿出獎項細味，她說：「有時望住啲獎都會眼濕濕鼻酸，覺得對得住自己個行業，人生嘅成就，感到光宗耀祖。」
最佳女配角入圍名單
鮑起靜《暴瘋語》
惠英紅《那夜凌晨，我坐上了旺角開往大埔的紅VAN》
王菀之《金雞SSS》
薛凱琪《閨密》
郝蕾《黃金時代》
場地：逸‧酒店
服裝：MARINA RINALDI