謝安琪莊思敏緊張(目及)實股市

謝安琪

謝安琪

我都有買吓基金當儲蓄，好少玩股票，因為我鍾意穩健嘅投資策略。至於「丁蟹效應」，我真係好好奇，好有興趣，依家等緊下星期一嘅《大時代》出街，想知「丁蟹效應」係咪真係咁犀利，可以影響到個股市，我會拭目以待，但我叮囑股民，投資真係要謹慎啲。我諗我唔會因為個市跌緊而趁低吸納，因為股市要成日睇實先得，所以都唔會入市嘞。

莊思敏

我有買股票，手上持有7、8隻股票，都有成七位數字，所以都好驚「丁蟹效應」，我都幾信，所以依家好緊張，密切留意住個價，希望個市升番啦，打破魔咒，最好喺《大時代》播之前，隻股去到目標價，就可以賣咗佢。雖然今（昨）日股市跌咗，但都仲有少少賺，之前隻阿里影業帳面賺咗50幾萬，我2個幾買入，上星期升到4個幾，升咗一倍，但今（昨）日又落番3個幾，我仲未賣o架。

莊思敏

趙哲妤

趙哲妤：

升咗咁多日跌都正常，前兩日我又賺多咗少少，我係高賣低買，今日都入咗兩隻股，每隻入五萬左右。（擔心丁蟹效應？）都有少少，不過一日有資本，一日未放，有holding power都仲夠膽買賣股票。我就唔信邪囉，但會比平日謹慎少少，例如每日會check多幾次手揸股票嘅價格，如果繼續跌會留意，但唔會沽，啱價會再入貨，避免買細價股。」