「肥媽效應」抗衡

藝人肥媽與陸浩明昨日為無綫節目《食平3D》，到荃灣一個街市拍攝。對於早前股市暢旺狂升，肥媽亦笑言賺了少許，但當問到無綫將重播鄭少秋主演的劇集《大時代》，會否擔心有「丁蟹效應」？她說：「我個節目27日出街，有肥媽抗衡丁蟹，有『肥媽效應』頂住一定升，大家唔使擔心。」
肥媽笑言「肥媽效應」會抗衡「丁蟹效應」。
肥媽笑言「肥媽效應」會抗衡「丁蟹效應」。

肥媽又透露新一輯《食》將有40集，每星期會邀請一位藝人嘉賓亮相，當中包括吳若希、鄭俊弘等，肥媽說：「個個排住隊話要上嚟，我哋要推人呀，真係慘，我哋仲有名廚嚟踢館比試吓。」她笑言剛拍完女子組合Super Girls的一集，她們將全枱食物差不多掃清，拍完都唔肯走，在旁的陸浩明笑言：「佢哋差啲連湯渣都想拎返屋企呀。」

肥媽與陸浩明笑稱藝人排住隊上他們的節目。
  • 肥媽與陸浩明笑稱藝人排住隊上他們的節目。