胞姐撥行大葵扇 陳細潔憎人冇善心

鯊魚女陳細潔（Abbie）一直被胞姐陳小寶（Angel）催婚，但一直沒有結果，問Angel是否已放棄？她說：「唔會，見到好嘅會繼續介紹畀佢，有啲人唔敢追佢，我會幫佢研究吓欠啲乜，在旁幫手。」Abbie為配合胞姐，亦不時與追求者約會：「但真係要啱先得，有次同個男士去慈善晚會，有啲小朋友賣獎券，只係一百蚊一張，嗰個人完全冇反應，我即時交叉佢，咁冇善心，完全唔得啦！」
陳小寶（右）笑言一定要介紹好男仔給阿妹陳細潔。
陳小寶（右）笑言一定要介紹好男仔給阿妹陳細潔。

Abbie一直嚮往做單身貴族，問她有否想過生B？她說：「唔會生，以前都有諗過雪藏卵子，但醫生朋友話最好35歲前雪，跟住佢有提議做胚胎，但呢樣對我都唔得，因為做胚胎一定要結咗婚。（去美國做？）唔係話做就做，要搞幾個月，邊有咁多時間，所以放棄，因為生小朋友真係好大責任，同埋壓力太大。」

兩姊妹感情要好，不時約埋茶敍。
  • 兩姊妹感情要好，不時約埋茶敍。