今日介紹一位喺內地廣告界炙手可熱嘅模特兒畀大家認識，佢嘅中文名字叫高溜，但就咁叫佢高溜相信冇乜人認識，要中英文名字一齊叫咁就相信冇乜網友會唔識得佢，呢位當時得令嘅人氣模特兒，佢就叫做高溜MilkCat。
嚟自湖南長沙嘅高溜MilkCat，2011年左右出道，最先係喺購物網站做模特兒，由於大受網友歡迎，於是膽粗粗決定全身投入模特兒工作，後嚟為咗有利發展，更一支公跑到上海搵食。高溜MilkCat起初嚟到上海，當然難撈，而且有好多規矩都唔習慣，但憑其俏麗外表，同埋肯拚肯學嘅態度，馬上就得到不少工作機會，就算好簡單嘅一個工作，甚至成班模特兒嘅其中一位，但佢都投入百二分嘅精神，努力把工作做好，工作人員唔係傻嘅，挑模特兒除咗要靚女之外，工作態度亦好重要，見高溜MilkCat咁積極，於是對佢愛護有加，不斷畀佢通告，期間除咗接拍硬照之外，仲做埋展覽女郎，全國大小車展、動漫展同遊戲展等都能見到佢嘅身影！
高溜MilkCat除咗出席大小展覽騷外，有時更會上綜藝節目同埋拍劇，雖然暫時只係小角色，但佢都同拍硬照一樣，畀足心機去演，希望有朝一日能夠成為主角。對高溜MilkCat嚟講，最大嘅挑戰並唔係演戲，而係拍攝性感寫真，因為佢嘅三圍數字只屬一般，上圍只得32吋，腰圍係25吋，而下圍就只得33吋，同嗰啲標準導彈身材嚟比，真係有啲出入。但佢一啲都唔怕，喺2014年毅然接拍咗第一輯超性感寫真，作品一推出好多人都大跌眼鏡，因為高溜MilkCat竟做出波濤「胸」湧嘅驚人效果，不少網友更為佢瘋狂，收費寫真網站即刻再搵佢拍第二輯。至於第三輯幾時推出，由於高溜MilkCat工作實在太忙，一時間抽不出時間嚟拍攝，真希望佢能多拍幾輯嚟滿足吓大家！
簡介：高溜MilkCat嘅官方微博內收藏咗佢不少工作照同生活照，當然唔少得性感照啦！但人哋係正規模特兒，所以較多着得靚靚嘅相，一樣精彩！
網址：http://weibo.com/u/2499803120
出生地：湖南長沙
三圍：32-25-33
身高：165cm
撰文：龍四海