范振鋒怕人多拒住風水屋

電台DJ范振鋒（Ricky）早前與鄰居發生爭執及肢體碰撞，前晚他為「仁濟醫院第48屆董事局就職聯歡晚宴」擔任司儀，現場所見，其右眼眼白仍有血絲，他透露傷勢逐漸康復，雖仍感眼痛及肋骨痛，但不算嚴重，對工作影響不大，除了部分要見樣貌的工作受影響外，電台工作及電影籌備會議仍然繼續。至於事件進展情況，Ricky謂：「希望雙方都冇事，其實係一場誤會，大家又無仇無怨。（事發後有冇再見對方﹖）冇，完全冇見過，其實我喺度住咗幾年，都只係見過對方一兩次。（再見面會點？）或者點頭，總之以和為貴，可能會講聲唔好意思，件事自己都有責任，作為公眾人物應該要檢點。」

男親戚搬來暫住護航

另外，Ricky表示太太李思欣為搬離是非地，正積極尋找新居，由於太太與外母比較擔心，所以有男親戚搬到其家暫住。提到好友林盛斌（Bob）揚言願意將其風水屋免租三個月給他暫住，他稱多謝其好意，並笑謂：「佢間屋喺旺角心臟地帶，人好多，仲危險，佢都有介紹好多地產畀我，佢好多樓，成十幾個物業，區區都有，佢好似做咗地產經紀咁。（住吓佢間風水屋洗吓衰氣？）我知佢間屋好風水，你睇佢咁發就知。我或者去拜吓神。」

范振鋒為大會擔任司儀，現場可見他右眼眼白仍帶血絲。	范振鋒與太太李思欣獲好友Bob（右）借出風水屋。（資料圖片）	林建名與林煒珊分別是林家第二代及第三代仁濟主席。

林煒珊與仁濟有淵源

至於富豪林建名女兒林煒珊今屆榮升仁濟醫院主席，前晚她動員全家捧場，她自言家族與仁濟甚有淵源：「阿爺林百欣捐獻嘅仁濟醫院林百欣中學係第一間仁濟中學，爸爸係仁濟第9屆主席，依家到我做主席，我係第三代，希望我個女可以繼承落去，佢就係第四代。」她稱不時帶女兒探訪孤兒院，她笑言：「我成日帶佢去仁濟醫院，佢同老師講媽咪成日去醫院，所以應該係醫生。（囡囡志願做醫生？）佢嘅志願係做公主。（有冇公主病？）唔知有冇，希望冇，不過依家啲小朋友好受卡通片影響，唔多唔少都有啲。」同場出席嘉賓還有藝人馬德鐘、麥長青、吳幸美等。

馬德鐘	麥長青（左）、吳幸美（右）

文：名人組