盛品儒：拖唔到好耐

亞視前執行董事盛品儒前晚到中環出席娛樂公司派對，提到亞視欠薪再被法庭罰款，法官更指若亞視明知營運有困難，不如及早結業，總好過勉強營運而拖欠員工薪金，盛品儒說：「就算要結束都有好多問題要解決，例如員工嘅人工問題？唔係法官諗得咁簡單。（你幫手？）我能力有限，我希望離開咗嘅員工，喺其他平台繼續夢想，留守嘅，等多幾日，問題自會解決。（幾日就解決到？）得o架啦，拖唔到好耐。」他又透露忙於籌備與蔡一鳳的婚禮：「本來諗住擺一百圍，研究緊請咩嘉賓，又幫手度吓有咩環節，總有啲驚喜畀太太。（你係浪漫嘅人？）冇人會讚自己啩？」