湯盈盈認懷第二胎
陳小春為無綫節目《娛樂三兄弟》任嘉賓，他除透露會與林家棟和楊千嬅任今屆金像獎司儀，又被迫出賣兄弟錢嘉樂，大爆嘉樂嫂湯盈盈已懷第二胎超過三個月，小春事後感不好意思，表示會請兄弟食飯補償。
湯盈盈昨接受本報訪問時，坦言剛剛才可說出此好消息，忍口忍得很辛苦，提到小春表示會請食飯補償，盈盈笑言：「我一定食窮佢呀！依家我好大食，啱啱先食咗三塊Pizza！」問育有一女的她是否想追個仔，湊個「好」字，盈盈說：「冇所謂，我都係想追個伴畀個女，（嘉樂好開心？）我啲姊妹都feel到佢超級開心。」問知否BB性別？盈盈謂醫生知，但就叫對方不要告訴她。問囡囡知否有弟弟或妹妹？盈盈笑謂：「我有指住個肚同佢講有BB喺裏面，佢即刻錫吓我個肚。」