許廷鏗讚Jinny：handle得好好

身為歌手吳若希（Jinny）好友兼同公司同事的歌手許廷鏗（Alfred），對於好友母親受傷入院當然非常關心，Alfred昨日在新碟簽唱會上，透露有問候Jinny母親的情況，還大讚好友：「Jinny handle得好好，如果有咩幫到手我都會幫。」
許廷鏗獲送蛋糕預祝生日。
許廷鏗獲送蛋糕預祝生日。

Alfred在活動上透露希望今年能開演唱會，問其目標可會是在紅館開演唱會？他謂：「慢慢嚟，想準備好先。（想幾年內做到呢個目標？）三年啦，不過想再儲多啲歌先。」他又謂有機會拍劇，問到想跟哪位女星合作？他則擺同公司的Jinny上枱：「我想同Jinny，不過我哋點錫都唔過電。」另外，Alfred的歌迷在活動上向他送上蛋糕預祝其月底生日，Alfred受訪時笑言：「歌迷話會送神秘貼身禮物畀我，應該唔係內褲啦，我估係床上用品。」

許廷鏗在簽唱會上大受歌迷歡迎。
  • 許廷鏗在簽唱會上大受歌迷歡迎。