溫家偉 周志文爭住戥「女友」開心
歌手吳若希（Jinny）的母親終於甦醒，連日來不時陪她到醫院探病的緋聞男友溫家偉、周志文及「情敵」蔡思貝，昨日收到這個好消息時均大感興奮，又祝願吳母身體健康、早日康復，並謂稍後會再前往探望吳母。
溫家偉透過電話回應：「相信Jinny好開心，發生咁大件事，佢表面上好似冇事，但心裏面實唔開心，依家應該放鬆咗。」周志文則表示好開心：「希望Auntie快啲恢復好番，一家人團聚開開心心。親情喺度嘅時候，好多人都唔着緊，但經過呢件事後，佢哋嘅關係會更好，會珍惜相處嘅時間。」蔡思貝又大讚Jinny一直很堅強，工作也未受影響：「醒咗咪好囉，當今次擋咗個血光之災。」
