陳奕迅玩命巡唱 買過億保險
陳奕迅（Eason）的《Eason's LIFE》演唱會由2013年開始，至今已經唱了七十場，前晚他在長沙重啟巡唱，主辦商投資了三千萬為Eason重新打造巡唱，由舞台設計、服飾到歌單都是大翻新。
首次使用新舞台的Eason表示因機關太多，他的心情也很緊張，因為伸延出觀眾席的高橋及滑梯並無任何安全措施，最初得知公司為他買了一億一千七百萬保險，他覺得很誇張，不過當他在滑梯上演出時，發現滑梯不停左右搖動，嚇得心驚驚，Eason笑說：「唔知係咪因為我188.8磅關係，哈哈哈。」事後工程師向他十萬個保證，下站南京，就算他200磅，滑梯也不會搖動。
戰衣帶挈 瘦過千嬅
Eason今次請來五位香港設計師為他設計服裝，包括文念中、Johanna Ho、Tomas Chan等等，當中亮燈鐵架衣重達三十磅，要兩個人服待他穿上，穿上後動彈不得，Eason笑言：「係重到唔郁得啦，不過就咁唱我都頂到，反而嗰件閃燈骷髏衫，有成十五、六磅，嗰part係快歌，我要滑梯落嚟再又跳又唱，唱完真係有啲命都冇嘅感覺。不過我好high好享受，所以大家唔使叫我減肥，我估我唱多兩場，會瘦過楊千嬅，哈哈。」
歎溫泉甩手跌電話
今年Eason將繼續走遍澳洲、美加及內地大江南北共三十多個地方，估計會唱過100場，破他自己的演唱會紀錄，不停巡演的Eason新年放了一個月假，陪老婆去跑步、浸溫泉，他說：「人一定要休息充電先可以充滿力量再衝，我放假嗰陣真係成個人咩都放鬆晒，連浸溫泉隻手都鬆到將成個電話跌咗落水度，個畫面變晒紅色，哈哈。今年仲有冇得再休息都未知啦，所以好回味之前個假期呀。 」
文：音樂組