李思欣夜歸心驚驚老公陪出入
Ricky日前在寓所樓下遇襲，其太太李思欣昨日透過電話稱，擔心晚上獨自歸家會有危險，她說：「有時夜晚收工返屋企，我一個女仔都會擔心，惟有提高警覺啦。（搵人陪？）如果時間許可，會搵埋老公一齊，咁樣會比較安全，或者一路同老公通電話啦。（去朋友屋企暫住？）暫時唔會，費事一家人打擾人哋。」
問到會否擔心事件有手尾？思欣愁爆的說：「都有少少擔心，但又做唔到啲乜，依家都交咗畀警方處理。」提到Ricky表示打算盡快搬屋，她直言初步會物色適合的屋，又謂目前尚有近一年的租約：「因為住址依家曝光咗，安全起見都搵緊新屋，最緊要環境舒服同安全。（幾時搬？）真係唔知，要睇埋風水，唔會亂搬。」思欣又指會去拜神保平安：「因為一向都有，加上我哋都沖太歲，或者擺番啲嘢咁囉。」
