陸詩韻撕下拜金標籤

陸詩韻是2005年港姐亞軍，同屆冠軍是葉翠翠。圍繞二人的新聞大部分離不開搭上富豪，「拜金」二字早已被標籤，而在娛樂圈又似乎是很平常的事。她說：「做朋友做情人，我諗感覺好重要，我唔會去審問人哋嘅家庭背景後，再決定繼唔繼續做朋友。呢個世界我揀人時，人哋亦揀緊我，傳媒塑造咗我係呢個形象，對我嘅故事就特別敏感？其實咁樣對我都唔公平，亦對我有唔好嘅影響，我唔需要靠任何人而生活，我從冇使任何人嘅錢，亦唔覺得使人錢係一件馨香嘅事！」

拍拖對象每有經歷

在娛樂圈待了四年，星途浮沉，碰上父親經營的製衣廠生意不景，她索性跟弟弟回家救亡，頭也不回地離開了娛樂圈，可去年下旬，她重新簽了新經理人，正式回歸，一切又回到原點，她說：「嗰段時間去咗幫爸爸手，自己同時開咗間貿易公司，好想學做生意，不過自己不嬲都鍾意娛樂圈，所以舊年又簽經理人，入番呢行，但一邊繼續學做生意，活到老學到老，尤其是女人，更加應該不斷增值自己。（感覺你好似冇離開過，不時有你嘅新聞？）係囉，大家對我嘅戀情好好奇，時不時影到我拍拖，但我依家係單身，感情事隨緣啦，（你只係識有錢人？）只係咁啱拍拖嘅對象都有啲經歷，每個人都有經歷o架啦，（話你失有米男友所以搬返去同屋企人一齊住？）嗰陣同男朋友一齊住，有段時間唔開心，返到去對住四幅牆，咁咪搬返去同屋企人住，好正常啫。有好多嘢好難逐一去解釋，或者時間可以證明一切。」

陸詩韻不讓心情影響肌膚質素。	放大圖片	陸詩韻稱感情事難以解釋，只能隨緣。

對感情無欲無求

陸詩韻有樣貌有身材，裙下不乏追求者，那她的擇偶條件又是怎樣？她說：「其實我外表好女性化，但我性格剛剛相反，我好硬淨，有時企得太硬，要學吓體諒，同埋學吓溫柔先得！」早前她透露弟弟即將結婚，連小弟也爬頭，已經三十有三的她可要急起直追？她笑言對感情已無欲無求：「以前每一個拍拖對象，都會諗係最後一個，依家覺得只要兩個人一齊開心，其實唔一定要結婚，不過如果決定結婚，就一定會生BB，依家嘅態度係比較隨意。」

心情影響美肌

去年簽約新經理人的陸詩韻，透露將會接拍新戲，戲中飾演觀音，現在努力學習觀音的神髓，她說可能到開拍前一段日子會茹素，讓外表看來更添一份祥和。

早前她出席護膚品牌SkinCeuticals活動時分享美麗心得，她認為沒有醜的女人，只有懶的女人，護膚絕對不會馬虎，還有心情也能影響肌膚的質素，保持心境清靜愉悅，自然從心美出來！

身邊欠了另一半，陸詩韻樂於以小狗為伴。

陸詩韻是2005年港姐亞軍，可惜星途未算順利。

後記：

有閱歷的人，言談舉止分外淡定，經過了十年，陸詩韻明顯成長了不少，慶幸未去到超然境界，畢竟還有青春；做人不容易，要做個抬得起頭的人有時候需要一些勇氣和堅持，有機會，拜金一下又何妨？只是人生閱歷，是金錢也買不到的！

採訪：Ada Lam

攝影：司徒國榮