羅苡之當黑 望旅行轉運
「甘草王」羅樂林女兒羅苡之（Tisha）與老公陳志健（Otto）最近頻頻進出醫院，她也大呼黑仔：「先係我打波斷咗十字韌帶要入院做手術，要休養半年至九個月先完全好得番，之後老爺又因為老人病入院，依家輪到Otto入院切腫瘤，佢已經出院，大概兩星期傷口就愈合，但之後兩個月唔可以做負重運動，我哋變晒傷殘人士。」
Tisha坦言計劃稍後與老公到歐洲旅行，希望打個「白鴿轉」可以轉運，又自認迷信，她說：「我依家做房地產都係同迷信有關，因為我個名好啱做呢行。其實一開始覺得呢行好複雜，但做咗三、四年上晒手反而好享受。」