高海寧搵對象瞄準叻人

藝人高海寧（高Ling）和陳智燊（Jason）昨日齊齊出席2015「SINOMAX慈善枕頭大戰」活動，二人除主持現場近八百人的「開球禮」及大玩互動遊戲外，還即席分享減壓良方。

同自己攬枕傾偈

暫未有男友可讓自己紓緩工作壓力的高Ling，率先表示十分羨慕Jason有女友宋熙年（Sarah）分擔生活壓力，慨嘆自己只可借助是次活動來發洩抑遏多時的壓力，至於閒時在家中則會出動自己的攬枕來減壓，她笑說：「因為喺屋企冇人畀我打，咁我又有個1比1比例嘅人形攬枕，（攬枕係你個樣？）係啊，所以我會同個攬枕傾偈o架！」高Ling續笑言有叫Jason為自己介紹男友，問到有何擇偶條件？她大方說：「最緊要叻，（可唔可以縮窄範圍？）唔想限制自己任何嘅發展空間，不過最好係有才華，我有問題嘅時候可以畀到意見我，成熟啲。」

高海寧同陳智燊玩枕頭，不諱言叫男方為自己物色對象。

在台上的高Ling和陳智燊等與現場參加遊戲的人士拍大合照。

絕不搵女友出氣

而蜜運中的Jason表示正努力為高Ling物色適合的對象，又透露即使平時工作壓力再大也好，亦絕不會視女友Sarah為「出氣袋」：「可能佢細粒，一陣佢飛咗埋牆就唔好啦，大家有時都會揼吓枕頭同cushion嘅。」問到有否曾因吵架而大打出手？他想一想說：「我記得有次嘈交有揼爛嘢，佢嬲咗好耐，不過無論邊個錯都好，我都會先講對唔住，因為我覺得識say sorry先係好o架。」

文：名人組